Minn Cristian Muscat
Kif bdiet l-imħabba tiegħek lejn il-futbol?
Minn meta kont żgħir konna nilagħbu fit-triq u minn hemm bdiet l-imħabba tiegħi lejn il-futbol.
Iddeskrivi l-esperjenzi passati tiegħek ma’ diversi klabbs fosthom ma’ Kirkop, Zurrieq, Senglea Athletic, St George’s, Vittoriosa Stars u Qormi.
Ovvjament kollha għandhom is-sabiħ tagħhom u dejjem tagħmel ħbieb ġodda. L-aktar żewġ timijiet għal qalbi u b’esperjenzi sbieħ huma ma’ raħal twelidi Zurrieq FC u Senglea Athletic FC, fejn ma’ Zurrieq FC lgħabt għal disa’ snin sħaħ fejn irbaħt anke promozzjonijiet. Ma’ Senglea Athetic FC lgħabt għal staġun u nofs fejn irbaħna l-promozzjoni għall-Ewwel Diviżjoni.
Kif qed tħares lejn l-esperejnza ġdida tiegħek bħala goalkeeper ta’ Ta’ Xbiex SC?
Hija esperjenza ġdida għalija fejn qed inħares lejha b’ottimiżmu kbir. Hemm president, kumitat u staff tekniku li qed jaħdmu bla wafqien biex niksbu l-ewwel promozzjoni storika għall-klabb.
Kif tqis il-livell tal-futbol Malti fil-preżent, u kif rajtu jinbidel tul is-snin?
Il-livell huwa wieħed tajjeb. Hemm ħafna plejers li qed jinżlu divizjonijiet peressli fil-Malta Premier żdiedu l-plejers barranin. Rigward klabbs nemmen li tejbu s- set-ups tagħhom u żiedu l-istaff tekniku biex il-plejers ikunu iktar ippreparati.
U dak tar-riżorsi (grawnds) fejn titħarrġu u tilagħbu l-logħob kompetittiv tagħkom?
Rigward riżorsi, nemmen li għandna fejn intejbu.
Kif qed tħares lejn il-futur tiegħek fil-futbol?
Bħalissa qed niffoka biex inġib il-licenzji tal-kowċing meħtieġa. Bdejt nikkowċja lill-goalkeepers ta’ Zurrieq FC Youth Nursery. Naħseb li malli nieqaf mill-futbol milgħub, inkompli nikkowċja!
Għaddi messaġġ finali lil min jixtieq jagħmel karriera ta’ suċċess fil-futbol.
Qatt m’għandek taqta’ qalbek, għax jekk taħdem u tistinka, xi darba tasal żgur!