Qormi Daikin huma ċ-champions il-ġodda tal-hockey lokali wara li f’logħba ferm emozzjonanti huma ħadu l-punt li kellhom bżonn kontra GREE Sliema Hotsticks bl-iskor finali jkun dak ta’ 6-6.
Kienet logħba ta’ livell għoli bejn l-aqwa żewġ timijiet lokali tal-hockey li rriżultat f’waħda inċerta sal-aħħar.
L-ewwel quarter kienet ta’ Qormi li sabu żewġ gowls f’azzjonijiet veloċi iżda fit-tieni quarter, Sliema kienu aħjar u skorjaw tliet gowls biex daħlu fil-logħba.
It-tielet u r-raba’ quarter baqgħu jduru bejn tim u ieħor b’Qormi li fl-aħħar minuti kkontrollaw lill-avversarji Slimiżi hekk kif bi draw ħadu l-kampjonat.
Julian Zahra u Kyle Micallef skorjaw doppjetta kull wieħed b’Axel Cauchi u John Williams li żiedu l-gowls għal Qormi.
Sliema dejjem kienu fil-logħba hekk kif skorjaw il-gowls tagħhom bi tripletta ta’ Christ Agius, Christian Sammut, Keith Scicluna u Jonathan Borg.
Fl-aħħar tal-konfront is-segretarju ġenerali tal-Assoċjazzjoni Maltija tal-Hockey David Agius ippreżenta t-tazza lill-captain ta’ Qormi Daikin Steve Tanti fost il-ferħ tal-plejers, diriġenti u partitarji tat-tim.
Qormi Daikin: Shamison Mifsud, Shawn Dimech, Nathan Pace Gasan, Clayton Gatt, Luke Bajada, Zachary Degiovanni, Ayrton Falzon, Steve Tanti, Aaron Spiteri, Juan Sarcia, Julian Zahra, Daniel Ellul, John Williams, Keith Calleja, Axel Cauchi, Kyle Micallef, Kurt Grixti, Luca Fsadni.
GREE Sliema Hotsticks: Emile Borg, Ryan Dalli, Luke Brincat, Andrew Monaghan, Shaun Grima, Silas Plaehn, Keith Scicluna, Gary Bonnici, Christian Sammut, Charlo Sammut, Alessandro Amore, Karl Borg, Jonathan Borg, Benjamin Johnston, Christ Agius, Ludwig Cole, Lukas Plaehn, Ryan George.
Umpires: James Mizzi, Glen Falzon.
KLASSIFIKA FINALI – KAMPJONAT NAZZJONALI TAL-HOCKEY
Qormi Daikin 14, GREE Sliema Hotsticks 13, Floriana Young Stars 9, White Hart 0
Sadanittant, f’aktar logħbiet li ntlagħbu, mill-Hockey 9s, Qormi Daikin għelbu lil Rabat 3-2 filwaqt li mill-kampjonat ta’ taħt l-14-il sena, il-Qriema kkonfermaw it-tmiem il-ġimgħa perfett li kellhom hekk kif rebħu 10-0 lil GREE Sliema Hotsticks.
