Wara li l-eks attakkant internazzjonali Taljan Fabio Quagliarella dendel iż-żarbun tal-futbol għalkollox, issa beda jtiha għall-kummentarju hekk kif qed ikun kummentatur tekniku ma’ wieħed mill-istazzjonijiet televiżivi ewlenin tal-isport fl-Italja.
Quagliarella qal li ma setax joqgħod mingħajr ma jagħmel xi ħaġa relatata mal-futbol u kien għalhekk li aċċetta offerta li tawh dan l-istazzjon.
L-eks plejer ta’ Napoli, Juventus u Sampdoria qal li fil-jiem li ġejjin se jibda kors ta’ kowċ fit-tentattiv li jibda jħarreġ plejers żgħażagħ.
