Ilbieraħ, għall-ħabta tas-6:30 p.m., il-Pulizija ġiet infurmata b’inċident tat-traffiku fi Triq Sant’ Antnin, Ħaż-Żabbar.
Il-Pulizija marret minnufih fuq il-post u minn stħarriġ preliminari rriżulta li raġel ta’ 54 sena residenti Ħaż-Żabbar, intlaqat minn Toyota Starlet misjuqa minn raġel ta’ 28 sena residenti Ħaż-Żabbar ukoll.
Fuq il-post issejjaħ tim mediku u ambulanza ħadet lir-raġel ta’ 54 sena għall-kura fl-Isptar Mater Dei, fejn aktar tard huwa ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.