Ilbieraħ, għall-ħabta tad-9.00pm il-Pulizija kienet infurmata li kien seħħ inċident f’razzett fi Triq Ħal Tarxien, il-Gudja.
Mill-ewwel investigazzjonijiet li saru jidher li Niġerjan ta’ 54 sena weġġa’ wara li kien ġie attakkat minn barri, waqt li kien qed jaħdem fil-post fejn jinżammu.
Tim mediku assista lir-raġel u ttieħed l-Isptar Mater Dei permezz t’ambulanza. Sfortunatament huwa kien iċċertifikat mejjet ftit tal-ħin wara.
Il-Maġistrat Dr Antonie Agius Bonniċi LL.D ħatar inkjesta filwaqt li l-investigazzjonijiet tal-Pulizija għadhom għaddejjin.
