Bulgaru ta’ 50 sena, residenti San Pawl il-Baħar, tilef ħajtu traġikament wara li waqa’ madwar tliet sulari waqt li kien qed jaħdem f’sit ta’ kostruzzjoni.
L-inċident seħħ għall-ħabta tal-11.00a.m. fi Triq Karmnu Abela, il-Ħamrun.
Tim mediku ta l-assistenza tiegħu imma sfortunatament, il-vittma ġie ċċertifikat mejjet fuq il-post.
Il-Maġistrat tal-Għassa Caroline Farrugia Frendo ġiet infurmata bil-każ u ħatret inkjesta.
L-investigazzjonijiet tal-Pulizija għadhom għaddejjin.
