Raġel iddaħħal l-isptar il-lejl li għadda wara li għall-ħabta tas-1:30 a.m kien aggredit minn persuna fi Triq San Ġorġ, San Ġiljan.
Minn stħarriġ illi sar irriżulta li kien seħħ reat minn persuna (li l-identità tagħha mhix magħrufa), fuq raġel ta’ 26 li għandu nazzjonalità Franċiża.
Tim mediku ta l-assistenza tiegħu lill-Franċiż sakemm seta’ jittieħed l-Isptar Mater Dei għal aktar kura permezz ta’ ambulanza li ssejħet fil-post. Iżjed tard huwa ġie ċċertifikat li weġġa’ gravi.
L-investigazzjonijiet tal-Pulizija b’rabta ma’ dan il-każ għadhom għaddejjin.
