Ilbieraħ, għal xi l-11:30 p.m, il-Pulizija ġiet infurmata li kien għadu kemm seħħ inċident stradali fi Triq Tas-Sliema, il-Gżira.
Mill-ewwel investigazzjoni rriżulta li raġel mill-Belarussja ta’ 37 sena u residenti l-Imsida, weġġa’ wara li ntlaqat minn mutur Kymco Agility, misjuq minn Serbjan ta’ 28 sena u residenti Birkirkara.
L-irġiel ingħataw l-ewwel għajnuna minn tim mediku u wara, ir-raġel ta’ 37 sena ttieħed l Isptar Mater Dei fejn ġie ċċertifikat li weġġa’ gravi.
Ir-raġel ta’ 28 sena ttieħed għall-kura ġewwa Ċentru tas-Saħħa.
Il-Pulizija għaddejja bl-investigazzjonijiet fuq il-każ.
