Ilbieraħ, għall-ħabta tas-5.45pm, il-Pulizija ġiet infurmata b’inċident tat-traffiku fi Triq Birżebbuġa, Birżebbuġa.
Il-Pulizija marret minnufih fuq il-post, fejn minn stħarriġ preliminari illi sar irriżulta li seħħet ħabta bejn Smart misjuqa minn raġel ta’ 41 sena residenti l-Gudja, u Toyota Passo misjuqa minn mara ta’ 36 sena li tgħix Ħaż-Żabbar.
Fuq il-post issejjaħ tim mediku u ambulanza ħadet lir-raġel l-Isptar Mater Dei. Iktar tard, huwa ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
