Raġel residenti l-Munxar kellu jiddaħħal l-Isptar Ġenerali t’Għawdex wara li għall-ħabta tal-9.45am kien involut f’inċident tat-traffiku fl-istess lokalità.
Il-Pulizija fl-Għassa tar-Rabat ġew informati li fi Triq Prof. Guze Aquilina fil-Munxar kien għadu kemm seħħ inċident fejn mutur u vann.
Uffiċjali tal-Pulizija marru mill-ewwel fuq il-post u sejjaħ tim mediku b’ambulanza li taw l-ewwel għajnuna lir-raġel li kien qiegħed isuq il-mutur. Hu ttieħed l-Isptar għal aktar kura.
Ir-raġel sofra ġrieħi ħfief.
Il-pulizija qegħdin jinvestigaw il-każ.
