Dan is-sit jinsab infurmat raġel kellu jiddaħħal l-Isptar wara li iktar kmieni llum għall-ħabta tal-12:15 p.m. kien involut f’inċident tat-traffiku fi Psaila Street, Birkirkara.
Minn informazzjoni li kiseb dan is-sit jirriżulta li Olandiż ta’ 41 residenti l-Mosta ntlaqat minn vettura Renault Clio misjuqa minn raġel ta’ 26 sena min-Nepal residenti l-Imsida.
L-Olandiż ingħata l-ewwel għajnuna minn tim mediku li ssejjaħ fuq il-post sakemm seta’ jittieħed l-Isptar Mater Dei għal aktar kura. S’issa l-kundizzjoni tiegħu għadha mhix magħrufa.
Aktar dettalji fil-ħin li ġej…