Ilbieraħ, għall-ħabta tad-9:30 p.m., il-Pulizija ġiet infurmata li kienet seħħet serqa minn ħanut tal-merċa fi Triq ix-Xitwa, San Pawl il-Baħar.
Minn stħarriġ illi sar irriżulta li raġel mgħammad u armat b’sikkina daħal fil-ħanut u talab il-flus lill-impjegata, mara ta’ 52 sena. L-allegat ħalliel ħarab minn fuq il-post wara li seraq ammont ta’ flus kontanti.
Fortunatament ħadd ma weġġa’.
Il-Maġistrat tal-Għassa Dr Marse-Ann Farrugia ġiet infurmata bil-każ u ħatret inkjesta.
Il-Pulizija tinsab għaddejja bit-tfittxija għall-ħalliel.
