Raġel ta’ 41 sena minn Birżebbuġa ma ngħatax il-ħelsien mill-arrest wara li aktar kmieni kien akkużat li hedded u beżża’ lil missieru li għandu 70 sena.
Fost akkużi oħrajn li qiegħed jiffaċja r-raġel hemm li hedded lill-pulizija u li kiser il-kundizzjonijiet tal-ħelsien mill-arrest fuq każ ieħor.
Id-difiża mmexxija mill-avukat Ingrid Zammit Young talbet għall-ħelsien mill-arrest fejn qalet li r-raġel kien għamel ġimgħa l-Isptar Monte Carmeli.
Iżda l-prosekuzzjoni oġġezzjonat għal dan fejn sostniet li l-akkużat irreżista l-arrest u anke missieru li hu l-vittma f’dan il-każ għad irid jixhed.
Il-Maġistrat Charmaine Galea ċaħdet it-talba u ħarġet ordni ta’ protezzjoni favur l-anzjan.
Il-proskeuzzjoni tmexxiet mill-Ispettur Audrey Micallef filwaqt li l-Avukat Joseph Calleja Parnis deher f’isem il-missier.
