Il-forma ħażina ta’ Real Madrid ma tantx qed tinżel tajjeb mal-partitarji akkaniti tagħhom li qed jaraw lit-tim jitlef diversi punti, apparti li r-riżultati tagħhom fil-UEFA Champions League mhux dejjem huma konsistenti.
Xi rapporti minn Spanja qed jgħidu li l-futur tal-kowċ Carlo Ancelotti mhux qiegħed daqshekk fis-sod u hemm idea li jippruvaw imorru għal-leġġenda tagħhom Raul. Dan tal-aħħar għamel il-karriera tiegħu jilgħab mal-Madrileni qabel ma mar ma’ Schalke 04.
F’dawn l-aħħar snin, Raul kien qed jikkowċja lil Real Madrid Castilla li hu t-tieni tim tagħhom. Naturalment hu jaċċetta bil-qalb kollha li jitla’ mal-ewwel tim mill-belt kapitali Spanjola.
