Real Madrid huma lesti li jikkompetu ma’ Liverpool għall-firma tal-midfielder ta’ Valencia, Carlos Soler, waqt it-tieqa tat-trasferimenti tas-sajf li ġej.
Il-ftehim eżistenti tal-player ta’ 24 sena fil-Mestalla għandu jiskadi f’Ġunju 2023, u numru ta’ clubs, inkluż Liverpool, ġew ikkreditati b’interess fis-servizzi tiegħu.
Huwa mifhum li hemm ukoll interess sod minn Real Madrid, bit-team ta’ Carlo Ancelotti ħerqan li jżommu fi Spanja fost l-interess tal-Premier League.
Soler, li kapaċi jopera f’numru ta’ pożizzjonijiet differenti f’nofs il-ground, skorja tliet goals f’daqstant ieħor ammont ta’ dehriet fil-La Liga għal Los Che fil-bidu tal-istaġun 2021-22.
L-Ispanjol huwa prodott tal-akkademja taż-żgħażagħ ta’ Valencia u issa għamel 188 dehra għall-ewwel team, u skorja 26 goal u daqstant ieħor ammont ta’ assists fil-proċess.
Real Madrid jingħad li jivvalutaw lil Soler bħala firma ideali hekk kif qed jippreparaw għat-tluq ta’ Luka Modric, li jidher li jisnab fl-aħħar stadji tal-karriera tiegħu fil-Bernabeu.
