Real Madrid jibqgħu kunfidenti li l-attakkant ta’ Paris Saint-Germain, Kylian Mbappe, se jingħaqad magħhom dan is-sajf.
Il-player ta’ 23 sena fadallu inqas minn tliet xhur fil-kuntratt tiegħu fil-Parc des Princes u kien marbut ħafna ma’ ċaqliq mal-Los Blancos.
Huwa mifhum li t-taħditiet bejn Real Madrid u r-rappreżentanti ta’ Mbappe twaqqfu hekk kif il-ġganti Spanjoli ġew infurmati li l-player għadu indeċiż dwar il-futur tiegħu u ma jixtieqx ma jirrispettax lill-club attwali tiegħu PSG waqt li l-istaġun għadu għaddej.
Madankollu, il-Los Blancos qed jidhru ‘kunfidenti’ li jistgħu jipperswadu lill-Franċiż biex imur jilgħab fil-La Liga dan is-sajf.
Real Madrid mistennija jiffokaw bis-sħiħ fuq l-insegwiment tagħhom lejn Mbappe issa li Erling Braut Haaland qed joqrob lejn trasferiment ma’ Manchester City. Mbappe kien f’forma sensazzjonali fl-attakk dan l-istaġun, fejn skorja 32 goal u rreġistra 22 assist f’40 dehra għal PSG fil-kompetizzjonijiet kollha.
