Real Madrid għamluha ċara u tonda li mhux se jneħħu lill-midfielder Franċiż Aurelien Tchouameni. Dan tal-aħħar kien fundamentali fl-ewwel ħarġa ta’ Real Madrid fil-La Liga Spanjola hekk kif kien l-aħjar plejer tal-logħba mirbuħa 2-0 kontra Athletic Bilbao.
Fl-aħħar ġimgħat, Liverpool kienu ilhom jiġru wara Tchouameni iżda l-Madrileni mhux lesti li jiftħu l-ebda negozjati.
Tchouameni għandu 23 sena u ngħaqad ma’ Los Blancos sena ilu eżatt. Minn dakinhar ‘l hawn hu lagħab 34 logħba iżda qatt ma skorja gowl.
