Real Madrid se jkunu qed jingħaqdu ma’ Manchester United sabiex jippruvaw jaslu għad-difensur internazzjonali ta’ Everton Jarrad Branthwaite. L-iktar favoriti li jmorru għalih huma r-Red Devils minħabba li l-plejer ta’ 22 sena jippreferi jibqa’ l-Ingilterra.
Branthwaite hu difensur ċentrali li hu regolari ma’ Everton u lagħab 46 logħba magħhom filwaqt li skorja erba’ gowls. Hu lagħab ukoll darba mat-tim nazzjonali Ingliż f’Marzu li għadda kontra l-Bożnja.
