Fl-Ekwador, fil-logħba tal-ogħla diviżjoni bejn Macara u Aucas, referee ġie attakkat u msawwat wara li ordna penalty u aktar tard wera karti ħomor.
Fl-10 minuta tal-ħin miżjud id-difensur ta’ Macara, l-Arġentin Alvaro Cazula,
ikkommetta penalty hekk kif il-VAR ikkonfermat id-deċiżjoni tar-referee.
Iżda l-istaff tekniku pprotesta bl-aħrax għal din id-deċiżjoni bil-konsegwenza li kien hemm battibekk fiżiku lejn l-uffiċjali tal-logħba fejn bosta coaches intwerew il-karta l-ħamra.
Jingħad li l-goalkeeper ta’ Macara, Hector Lautaro Chiriboga, ta daqqa ta’ ħarta f’wiċċ ir-referee Alex Cajas, li wassal biex ir-referee jaqa’ mal-art.
Il-pulizija ta’ kontra l-irvellijiet iċċirkondaw lir-referee bħala protezzjoni hekk kif it-tensjoni kompliet tikber.
Meta l-logħob tkompla, fit-13-il minuta tal-ħin miżjud, Macara ngħataw penalty skorjat minn Facundo Rodriguez biex kiseb id-draw.
Imbagħad kien imiss lil Aucas biex jipprotestaw mar-referee li eventwalment, fid-19-il minuta tal-ħin miżjud, wera l-karta l-ħamra liż-żewġ players Richard Caicedo u Victor Figueroa.
