L-attakkant veteran Pollakk Robert Lewandowski kien qed jitkellem ma’ stazzjon tat-televiżjoni sportiv fejn qal li r-referees Spanjoli li qed jikkontrollaw il-logħbiet tal-La Liga qed jikkundizzjonaw il-logħob.
Lewandowski, li jinsab fit-tieni sena jilgħab fil-Katalunja, qal li l-logħob fi Spanja mhux daqstant attraenti u ftit hemm logħob offensiv, xi ħaġa li kienet karatteristika ta’ dan il-kampjonat.
Hu qal li azzjoni offensiva tiġi mwaqqfa mir-referees meta jkun hemm foul li ma jkunx daqshekk serju.
Lewandowski għandu 35 sena, lagħab 37 partita ma’ Barcellona u skorja 24 gowl.
