L-attakkant internazzjonali Pollakk Robert Lewandowski rebaħ it-trofew Pichichi li normalment jittieħed minn dak l-iskorer prolifiku li jirbaħ il-klassifika tal-aqwa skorer tal-kampjonat Spanjol.
Lewandowski skorja 23 gowl għal Barcellona u xprunahom għar-rebħ tal-kampjonat. Hu wettaq seba’ assists filwaqt li ma skorja l-ebda penalty.
Ħafna faħħru lill-plejer Pollakk li fl-ewwel staġun tiegħu fi Spanja qagħad sew għall-istil ta’ logħob.