Tottenham ikkonfermaw li l-midfielder Rodrigo Bentancur se jitlef il-kumplament tal-istaġun wara li sofra injury fil-ligamenti tal-ACL fl-irkoppa tax-xellug fit-telfa ta’ 4-1 kontra Leicester.
L-internazzjonali Urugwajan jeħtieġ li ssirlu operazzjoni u għaldaqstant dan ifisser li l-problemi għall-coach Antonio Conte jkomplu jikbru.
Għall-partita tal-UEFA Champions League ta’ nhar l-Erbgħa kontra Milan, Conte diġà jinsab mingħajr Pierre-Emile Hojbjerg (sospiż) u Yves Bissouma (imweġġa’).
Spurs qalu li l-midfielder Urugwajan se jitlef il-kumplament tal-istaġun u fil-jiem li ġejjin se jibda r-rijabilitazzjoni tiegħu.
