Hekk kif Roma qed jinsistu sabiex jieħdu b’self lill-attakkant ta’ West Ham United Gianluca Scamacca. It-tim mill-belt kapitali Taljana qed jaħsbu wkoll sabiex ineħħu lid-difensur Rick Karsdorp li wkoll qed jattira l-attenzjoni tal-Hammers.
Minkejja kollox, id-direttur sportiv Tiago Pinto mhux beħsiebu jipproponi xiri għal Scamacca iżda self u għalhekk qed jara kif jista’ jdaħħal lil Karsdorp bħala parti mit-trattativa.
Il-kowċ ta’ Roma Jose Mourinho jixtieq ħafna lill-internazzjonali Taljan sabiex isaħħaħ l-attakk għall-istaġun li ġej.
