Gazzetta influwenti Taljana semmiet kif ir-rieda tal-attakkant internazzjonali Belġjan Romelu Lukaku hija li jibqa’ ma’ Inter anke għall-istaġun li ġej. L-attakkant veteran ammetta li jinsab ferm għal qalbu mat-tim minn Milan u ma jarahx li jerġa’ jmur ma’ Chelsea għall-istaġun li ġej.
Wara l-ewwel esperjenza tiegħu f’Milan, Lukaku mar ma’ Chelsea iżda l-istaġun tiegħu xejn ma kien pożittiv tant li fil-bidu ta’ Settembru rritorna man-Nerazzurri anke jekk b’self.
Minkejja li Big Rom, kif inhu magħruf, ammetta li jiżbalja mhux ftit quddiem il-lasti, xorta waħda jħoss li l-aħħar wirjiet tiegħu kienu tajbin u kien deċiżiv partikolarment kontra Juventus u Benfica.
