Id-Deputata Laburista, Rosianne Cutajar talbet għal ksur ta’ privileġġ kontra d-Deputat Nazzjonalista Jason Azzopardi. Fit-talba lill-Ispeaker hi qalet li d-Deputat Nazzjonalista Jason Azzopardi attribwixxielha kliem vulgari li hi qatt ma użat la fil-konfront tiegħu u lanqas ta’ xi deputat ieħor. Qalet li skont id-Deputat Nazzjonalista Jason Azzopardi, l-Ispeaker sema’ dan il-kliem imma ma ħax azzjoni.
Id-Deputata Rosianne Cutajar iddikjarat li “jien mhux persuna baxxa. La hemm barra u lanqas fil-Parlament”. L-Ispeaker se jinvestiga l-każ.
