Il-midfielder ta’ Atletico Madrid, Saul Niguez, sellem mill-qalb lil Chelsea hekk kif ikkonferma li mhux se jibqa’ mal-Blues wara tmiem l-esperjenza ta’ self tiegħu.
Il-player ta’ 27 sena sewa lill-Blues £4.5 miljun biex jissellef miċ-champions Spanjoli s-sajf li għadda, iżda xejn ma kellu esperjenza pożittiva fil-kapitali Ingliża taħt il-gwida ta’ Thomas Tuchel.
Fil-fatt, Saul irnexxielu jiskorja biss goal wieħed fi 23 dehra għal Chelsea fil-kompetizzjonijiet kollha, bil-goal solitarju jasal f’rebħa fil-ħames round tal-FA Cup kontra Luton Town.
