Dan hu Erfan Soltani li se jkun qiegħed jingħata l-piena tal-mewt fl-Iran fit-48 siegħa li ġejjin.
Kien arrestat fid-9 ta’ dan ix-xahar wara li ħa sehem fil-protesti kontra r-Reġim Iranjan.
Il-familja tiegħu qalu li ngħataw 10 minuti biss biex isellmu għall-aħħar darba lil Erfan. Ġie kkundannat għal mewt mingħajr ma għadda ġuri u mingħajr ma ngħata ċ-ans li jkellem avukat.
Rapporti fil-midja internazzjonali qegħdin jgħidu li r-reġim Iranjan qiegħed jipprepara biex joqtol mijiet kbar ta’ nies f’daqqa biex anke jbeżża’ lil dawk kollha li għadhom qegħdin jipprotestaw kontra l-Gvern.
