Il-President George Vella flimkien ma’ martu aktar kmieni dalgħdu telqu għall-aħħar darba mill-Palazz ta’ San Anton fejn issa minn waranofsinha tidħol fih il-President eletta.
F’kummenti li ta lill-midja qabel ma beda t-triq lejn il-Kon Katidrall, il-President Vella qal li “għada se nisbaħ mingħajr ħsibijiet, iżda fl-istess ħin se nimmisja l-istaff li qattajna daqshekk ħin magħhom f’dawn l-aħħar ħames snin.”
Tidwi mill-pubbliku l-kelma “Grazzi” lill-President Dr George Vella għax-xogħol kbir li wettaq matul dawn il-ħames snin ta’ presidenza fejn kellu jiffaċċja sfidi kbar.
