Friday, April 12, 2024

Leicester jirrekordjaw telf kbir fl-2022-23

Aqra wkoll

Leicester City irrappurtaw telf ta’ £89.7 miljuni għall-istaġun 2022-23 – b’hekk it-telf totali għall-aħħar tliet kampanji tagħhom fil-Premier League wasal għal aktar minn £215 miljun.

Ix-xahar li għadda, il-Foxes ġew akkużati talli allegatament kisru r-regoli tal-Profitt u s-Sostenibbiltà (PSR) relatati maċ-ċifri li issa ħarġu.

Ir-regoli tal-ogħla livell jippermettu lill-clubs li jitilfu £105 miljun fuq perjodu kontinwu ta’   tliet snin.

Dan ġej minkejja li l-Foxes, li ġew relegati fi tmiem l-istaġun li għadda, għamlu qligħ ta’ £74.8 miljuni fil-bejgħ tal-players.

Fil-kontijiet, il-club jiddeskrivi r-relegazzjoni bħala “tnaqqis diżappuntanti u mhux antiċipat”, wara li spiċċa fit-tmienja u l-ħames postijiet fil-Premier League fit-tliet staġuni preċedenti.

Il-Foxes ġabru madwar £70 miljun billi biegħu lid-difensur ċentrali Franċiż, Wesley Fofana, lil Chelsea, f’Awwissu 2022 u l-midfielder Ingliż, James Maddison, għal £40 miljun lil Tottenham fis-sajf li għadda.

Il-kontijiet ma jsemmux eżattament kemm swiet it-tkeċċija ta’ Brendan Rodgers, iżda l-ispej­jeż tal-bejgħ żdiedu b’£26 miljun għal £301.8 miljuni, li l-club jattribwixxi parzjalment għal bidla ta’ manager.

Rodgers esprima l-frustrazzjoni tiegħu għall-inkapaċità tal-Foxes li jonfqu fis-suq tat-trasferimenti tas-sajf tal-2022. 

Fil-bidu tal-istaġun huwa bassar li Leicester kienu se jissieltu u kellhom bżonn jimmiraw għal 40 punt biex isalvaw – iżda spiċċaw fit-18-il post u ġew relegati b’34 punt.

Il-fatturat naqas għal £177.3 miljuni – tnaqqis minn £214.6 miljuni s-sena ta’ qabel – iżda ċ-chairman Aiyawatt Srivaddhanaprabha kklerja d-dejn pendenti tal-club ta’ £194 miljun lill-kumpanija prinċipali King Power International fi Frar li għadda.

It-telf ta’ £215.3 miljuni fuq tliet snin jinkludi telf ta’ £33.1 miljuni qabel it-taxxa mill-istaġun 2020-21, li fih rebħu l-FA Cup, u t-telf rekord tal-club ta’ £92.5 miljuni sena wara.

Jekk jinstabu ħatja li kisru r-regoli tal-infiq, li jippermettu lill-clubs biex jagħmlu medja ta’ telf ta’ £35 miljun kull staġun fil-Premier League, Leicester jistgħu jiffaċċjaw tnaqqis ta’ punti.

Peress li l-każ, inkluż kwalunkwe appelli, x’aktarx ikompli wara tmiem dan l-istaġun, dan ifisser li kwalunkwe sanzjoni potenzjali se tiġi infurzata fl-istaġun li ġej.

Ekonomija

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport