Mara ta’ 35 sena, li isimha ma jistax jixxandar fuq ordni tal-Qorti, ġiet ikkundannata sena u nofs ħabs u mmultata €1,000 wara li nstabet ħatja li heddedt social worker li kienet qed tinvestiga każ ta’ abbuż fuq uliedha.
L-Ispettur Roderick Spiteri spjega fil-qorti li l-każ seħħ bejn il-11 ta’ Awwissu u l-1 ta’ Settembru tal-2022.
Is-social worker xehdet li hija kienet qed issegwi il-familja tal-akkużata meta din kienet qed tgħix fir-residenza tagħha flimkien ma’ wliedha f’Bormla u fil-Belt Valletta. Xehdet ukoll li meta kienet qed tieħu ħsieb il-każ, tqanqal suspett li t-tfal kienu qegħdin imorru jgħixu mal-membri tal-familja, inkluż ma’ missierhom.
Fil-Qorti ntqal li meta l-omm saret taf b’dak li kienet qed taħseb is-social worker, bagħtitilha xi messaġġi ta’ theddid bil-kliem; “se tispiċċa ħażin miegħi” u “ibża’ minni jekk tarani”.
Il-Qorti pproseduta mill-Maġistrat Astrid May Grima sabet lill-omm ħatja tal-akkużi miġjuba kontriha u minbarra l-piena ta’ ħabs u l-multa, ħarġet ordni ta’ protezzjoni għal tliet snin biex tipproteġi lis-social worker.
Il-Maġistrat Grima rabtet ukoll lill-omm b’kundizzjoni li jekk iddejjaq lis-social worker fi żmien sena timmultaha €2,000.
