L-eks difensur internazzjonali Spanjol Sergio Ramos għadu mingħajr tim wara li ftit tal-ġimgħat ilu temm l-esperjenza tiegħu ma’ Paris St Germain.
Madankollu jidher li l-futur tal-plejer ta’ 37 sena se jkun fl-Istati Uniti fejn diversi klabbs mill-Major League Soccer Amerikana jixtiequ s-servizzi tiegħu b’Los Angeles Galaxy li kienu l-ewwel li kkuntattjawh.
Hu kellu wkoll kuntatti ma’ xi klabbs mill-Arabja Sawdija iżda hu mhux interessat f’dawn l-offerti.
