Juventus kisbu rebħa drammatika meta barra minn darhom għelbu lil Cremonese bl-iskor ta’ 1-0, bil-goal jasal fil-91 minuta minn free-kick ta’ Arkadiusz Milik.
Cremonese jistgħu jħossuhom sfortunati meta laqtu l-lasti darbtejn minn Fabio Miretti u Cyriel Dessers.
Sassuolo v Sampdoria – Sampdoria marru għand Sassuolo u għelbuhom bl-iskor ta’ 2-1 biex irreġistraw rebħa mill-aktar importanti fit-tentattiv li jkomplu jiġġieldu għas-salvazzjoni.
Huma fetħu vantaġġ ta’ żewġ goals minn Manolo Gabbiadini (26) u Tommaso Augello (28). Domenico Berardi (64 pen) daħħal lit-team ospitu fil-logħba iżda d-difiża ta’ Sampdoria żammet soda.
Spezia v Atalanta – Atalanta ħadu skoss qawwi fit-tenattiv li jkomplu jisfidaw għal post fil-UEFA Champions League meta sfaw miżmuma fi draw ta’ 2-2 minn Spezia.
Dawn tal-aħħar fetħu vantaġġ doppju minn Emmanuel Gyasi (8) u Mbala Nzola (31) iżda Rasmus Hojlund (77) u Mario Pasalic (92) salvaw ir-riżultat lill-Bergamaschi.
Torino v Verona – Torino laqgħu lit-team ta’ qiegħ il-klassifika, Verona, u kellhom jikkuntentaw bi draw ta’ 1-1.
Milan Djuric (45) fetaħ l-iskor għall-viżitaturi iżda Aleksey Miranchuk (64) kiseb id-draw għal-Granata.
Lecce v Lazio – Kontra kull mistenni Lazio sfaw megħluba minn Lecce bl-iskor ta’ 2-1.
Kien Ciro Immobile (14) li fetaħ l-iskor għal Lazio iżda fit-tieni taqsima Lecce dawru r-rebħa favur tagħhom minn Gabriel Strefezza (57) u Lorenzo Colombo (71).
Roma v Bologna – Penalty skorjat minn Lorenzo Pellegrini (6) kien biżżejjed biex Roma għelbu lil Bologna b’goal uniku biex irreġistraw rebħa mill-aktar importanti.
Fiorentina v Monza – Fiorentina ospitaw lil Monza u temmew fi draw ta’ 1-1 biex filwaqt li l-Viola fallew żewġ punti, Monza rebħu punt importanti.
Kien Arthur Cabral (19) li fetaħ l-iskor għal Fiorentina iżda Carlos Augusto (61) kiseb id-draw għal Monza.
