Lazio jinsabu ferm diżappuntati li ma waslux sabiex jakkwistaw is-servizzi l-midfielder offensiv Djibril Sow mingħand Eintracht Frankfurt.
Hekk kif i Biancocelesti damu għaddejjin b’diskussjoni wara l-oħra mad-diriġenti Ġermaniżi, bħal-leħħa ta’ berqa daħlu Seville li f’kemm trodd salib ftiehmu prezz u kundizzjonijiet fil-kuntratt u pront wasal l-akkwist tiegħu.
Djibril Sow għandu 26 sena, hu ta’ nazzjonalita’ Żvizzera u fil-passat lagħab ukoll ma’ Zurich, Borussia Monchengladbach, Young Boys u Eintracht Frankfurt.
