Sevilla mhux qed jippjanaw li jassiguraw ftehim permanenti għall-attakkant ta’ Manchester United, Anthony Martial, matul it-tieqa tat-trasferimenti ta’ dan is-sajf.
L-internazzjonali Franċiż mar jilgħab b’self f’Estadio Ramon f’Jannar u ilu regolari mill-wasla tiegħu, fejn għamel disa’ dehriet fil-kompetizzjonijiet kollha, u skorja goal wieħed u pprovda assist wieħed.
Madankollu m’hemm l-ebda klawsola permanenti fil-ftehim ma’ Sevilla, għalhekk l-attakkant għandu jirritorna fil-club oriġinali tiegħu dan is-sajf.
Jidher li l-club Spanjol mhux se jfittex li jiffirma lill-Franċiż fuq bażi fit-tul dan is-sajf, wara li kien diżappuntat bil-kontribut tiegħu sa issa mal-club.
It-team immexxi minn Julen Lopetegui għeleb lil Barcelona għall-firma ta’ Martial, li iżda sabha diffiċli biex iħalli l-marka tiegħu mal-Los Nervionenses.
Il-player ta’ 26 sena għadu ma sabx ix-xibka fil-La Liga dan l-istaġun, u rnexxielu jipprovdi assist wieħed biss f’sitt dehriet mill-wasla tiegħu f’Jannar li għadda.
Martial għad fadallu aktar minn sentejn fil-kuntratt tiegħu f’Old Trafford u potenzjalment jista’ jkun fil-pjanijiet tal-manager il-ġdid tal-club Ingliż.
