Sewwieq ta’ mutur weġġa’ gravi wara li għall-ħabta tad-9:00 a.m kien involut f’inċident tat-traffiku li seħħ fi Triq Dawret il-Gudja fil-Gudja.
Minn stħarriġ illi sar irriżulta li kienet seħħet ħabta bejn mutur tal-għamla Yamaha T110 misjuq minn raġel ta’ 32 sena residenti Ħaż-Żabbar u karozza tal-għamla Suzuki Swift misjuqa minn żagħżugħ ta’ 22 sena residenti l-Għargħur.
Fuq il-post issejjaħ tim mediku u ambulanza ħadet lis-sewwieq tal-mutur l-Isptar Mater Dei sabiex jingħata l-kura meħtieġa.
L-investigazzjonijiet mill-Pulizija għadhom għaddejjin.
