Raġel iddaħħal l-isptar wara li kmieni dalgħodu għall-ħabta tas-7:30 a.m. kien involut f’inċident tat-traffiku fi Triq Mikiel Anton Vassalli, il-Gżira.
Minn stħarriġ illi sar irriżulta li seħħet ħabta bejn mutur tal-għamla Lexmoto Valiant 125 misjuq, minn raġel ta’ 30 sena residenti San Ġwann u vettura, Daihatsu Terios misjuqa minn raġel ta’ 49 sena residenti San Pawl il-Baħar.
Tim mediku ta l-assistenza tiegħu lis-sewwieq tal-mutur sakemm seta’ jittieħed l-Isptar Mater Dei għal aktar kura permezz ta’ ambulanza li ssejħet fil-post. Iżjed tard huwa ġie ċċertifikat li sofra ġrieħi gravi.
L-investigazzjonijiet mill-Pulizija b’rabta ma’ dan il-każ għadhom għaddejjin.
