Pollakk ta’ 29 sena residenti x-Xewkija sofra ġrieħi gravi wara li kien involut f’inċident tat-traffiku.
Dan seħħ illum għall-ħabta tas-7.00a.m. fi Triq Franġisk Portelli, l-Għarb, Għawdex.
Mill-ewwel stħarriġ irriżulta li kienet seħħet ħabta bejn Toyota Dyna, misjuq minn raġel ta’ 64 sena residenti l-Għarb, u mutur Yamaha, misjuq mill-vittma.
Ir-raġel ingħata l-għajnuna minn tim mediku, ittieħed l-isptar Ġenerali t’Għawdex permezz ta’ ambulanza u ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
