Fi stqarrija l-pulizija qalu li s-sewwieq tal-mutur ġie ċċertifikat fil-periklu tal-mewt.
Dwar dan il-każ infetħet inkjesta mexxija milll-Maġistrat Dr Ian Farrugia LL.D ġie infurmat bil-każ u ħatar inkjesta, filwaqt li l-investigazzjonijiet tal-Pulizija għadhom għaddejjin.
Aktar kmieni: Sewwieq ta’ mutur l-Isptar wara ħabta f’Ħ’Attard
Raġel ta’ 31 sena residenti Birkirkara kellu jiddaħal l-Isptar Mater Dei wara li għall-ħabta tat-8.30am kien involut f’inċident bil-mutur fi Triq iż-Żagħfran Ħ’Attard.
Kelliem għall-Pulizija qal li l-inċident seħħ bejn mutur Kawasaki u karozza Toyota Passo li kienet qiegħda tinstaq minn tfajla ta’ 19-il sena residenti Birkirkara.
Fuq il-post mar tim mediku b’ambulanza li taw l-ewwel għajnuna lis-sewwieq tal-mutur u wara ttieħed l-isptar.
Il-kundizzjoni tiegħu s’issa għadha mhix magħrufa filwaqt li l-pulizija qegħdin jinvestigaw dan il-każ.
