Hekk kif għadda kważi l-ewwel xahar mill-bidu tas-sena 2024 hemm xi rekords tal-football tal-’ġenn’ li ma nistgħux nemmnu li huma fix-xifer li jinkisru.
Din is-sena kalendarja qed tipprepara biex tkun sena mimlija għall-football … bit-Tazza tan-Nazzjonijiet Afrikani (AFCON), it-Tazza tal-Asja AFC, li qed isiru bħalissa, il-Euro 2024 u l-Copa America, kollha jiġu mbuttati flimkien mal-iskeda tal-football domestiku.
Din li ġejja hija ħarsa ta’ dawn ir-rekords li jistgħu jinkisru li b’kollox huma sitta:
REKORD TAD-DEHRIET FIL-PREMIER LEAGUE
James Milner għamel is-632 dehra tiegħu fil-Premier League kontra West Ham u tela’ ras imb’ras mal-eks winger ta’ Manchester United, Ryan Giggs, fit-tieni post għall-biċċa l-kbira tal-logħob fil-kompetizzjoni. Issa l-eks wing-back ta’ Manchester City u Liverpool għandu biss 20 dehra wara Gareth Barry, eks Manchester City u Aston Villa li għandu r-rekord b’653.
Il-midfielder ta’ Brighton mhux se jkollu ċ-ċans li jikser ir-rekord f’dan l-istaġun 2023-24, iżda jista’ jagħmel dan fil-bidu tal-2024-25. Milner mhu qed juri l-ebda sinjali li qed inaqqas mill-prestazzjonijiet tiegħu u żgur li se jkollu dan ir-rekord quddiem għajnejh.
Fil-logħba kontra Wolves tat- Tnejn li għadda, Milner qabeż waħdu fit-tieni post, 20 logħba inqas minn Barry.
L-IXJEĦ PLAYER FIL-EUROS
Gabor Kiraly huwa rikonoxxibbli istantanjament għall-qliezet ikoniċi wisgħin griżi tiegħu.
Il-goalkeeper Ungeriż waqqaf ir-rekord meta kien l-ixjeħ player li deher f’tournament tal-Euro fl-2016 hekk kif dak iż-żmien kellu 40 sena.
Madankollu, ir-rekord tiegħu issa jinsab fil-periklu li jinqabeż. Id-difensur ċentrali Pepe għadu player attiv mat-team nazzjonali Portugiż u se jkollu 41 sena sa meta jibdew il-finali tal-Euro 2024.
Iżda min-naħa l-oħra wieħed irid jara jekk Pepe huwiex se jiġi nkluż fl-iskwadra ta’ Roberto Martinez fis-sajf li ġej, iżda jista’ jikteb l-istorja jekk fil-fatt jiġi magħżul.
L-AKTAR GOALS FI STAĠUN TAL-BUNDESLIGA
Meta Robert Lewandowski stabbilixxa r-rekord tal-aktar goals fi staġun tal-Bundesliga fl-2020–21, deher qisu numru insuperabbli għall-biċċa l-kbira tal-attakkanti.
Madankollu, ftit snin wara …. Harry Kane huwa diġà fit-triq it-tajba li jagħmel dan. Lewandowski bħalissa għandu r-rekord tal-aktar goals fi staġun wieħed tal-Bundesliga b’41.
Bir-rata li qed jiskorja Kane bħalissa, huwa pproġettat li jtemm il-kampjonat tad-debutt tiegħu fil- Bundesliga bi 48 goal li jkun għadd tassew redikoli.
L-AKTAR TELFIET FI STAĠUNTAL-PREMIER LEAGUE
Partitarji ta’ Burnley u Sheffield United żgur li jinsabu skomdi. Iż-żewġ timijiet tilfu 15 mill-20 partita tal-ftuħ tagħhom fil-Premier League ta’ dan l-istaġun 2023-24 u jistgħu jiktbu l-istorja għar-raġunijiet kollha negattivi.
Il-Clarets u l-Blades tilfu 75% tal-logħbiet tagħhom tal-kampjonat dan l-istaġun u huma pproġettati li jitilfu 28.5 logħba kull wieħed matul l-istaġun kollu.
Ir-rekord tal-aktar telfiet fi staġun wieħed huwa ta’ 29 li bħalissa qed jinżamm minn Ipswich Town (1994-95, 42 partita), Sunderland (2005-06), Derby (2007-08) u Sheffield United (2020-21) .
Jekk l-ebda team ma jirnexxielu jirritorna fil-forma tiegħu fit-tieni nofs tal-istaġun, dan ir-rekord inkwetanti jista’ jinkiser.
L-AKTAR ASSISTS FL-ISTORJA TAL-EUROS
Cristiano Ronaldo diġà għandu r-rekord tal-aktar goals fl-istorja tal- Euros b’14 u issa jista’ jħares lejn rekord ġdid.
Is-superstilla Portugiż jinsab assist biss bogħod mir-rekord ta’ tmien assists ta’ Karel Poborsky.
Minħabba l-’qawwa tan-nar’ kollha għad-dispożizzjoni tal-Portugall, dan ir-rekord jinsab f’idejn Ronaldo.
L-AKTAR GOALS FL-ISTORJA TAL-COPA AMERICA
Lionel Messi għandu r-rekord tal-aktar assists fl-istorja tal-Copa America u mhux daqshekk ‘il bogħod milli jkun l-aqwa skorer ta’ kull żmien tal-kompetizzjoni.
Norberto Mendez tal-Arġentina u Zizinho tal-Brażil bħalissa għandhom ir-rekord bi 17-il goal kull wieħed. L-ammont ta’ Messi fil-Copa America bħalissa huwa ta’ 13-il goal u għalhekk għandu xi jlaħħaq.
L-attakkant ta’ Inter Miami rnexxielu jiskorja erba’ goals matul l-aħħar tournament fl-2021 u għalhekk mhuwiex diffiċli li wieħed jissuġġerixxi li din id-darba jista’ jaqbeż dak it-total.
.
