Investigazzjonijiet ulterjuri li saru mill-Pulizija b’rabta mal-iżbark illegali ta’ diversi immigranti fil-lejl ta’ bejn it-13 u 14 ta’ Settembru 2022 ġewwa Delimara wasslu għall-arrest ta’ diversi persuni oħra.
Illum, għall-ħabta ta’ nofsinhar, il-Pulizija ser tressaq sitt persuni l-Qorti, quddiem il-Maġistrat tal-Għassa Dr Marse-Anne Farrugia.
Huma se jkunu akkużati bi traffikar ta’ persuni, filwaqt li tnejn minnhom ser jkunu akkużati ukoll b’rabta ma’ kriminalità organizzata.
