Il-kumpaniji li joperaw is-servizz ta’ Fast Ferry bejn Għawdex u Malta kitbu nota lill-klijenti tagħhom li minħabba l-ħsarat kbar li hemm fit-terminal tal-Belt Valletta, is-servizz se jkollu jiġi sospiż.
Jidher li qiegħda ssir ħidma kbira kemm mill-kumpaniji u anke mill-awtoritajiet biex it-terminali jkun jista’ jerġa’ jibda jituża.
Kien dan is-sit li b’mod esklussiv wera permezz ta’ filmat il-ħerba l-ħalliet warajha l-maltempata li laqtet lill-pajjiżna fl-aħħar jiem.
Sorsi li tkellmu magħna qalu li l-ħsarat huma kbar u jammontaw għal eluf kbar ta’ ewro. Minkejja dan l-awtoritajiet qegħdin jagħmlu dak kollu posibbli biex it-terminal jerġa’ jibda jaħdem mill-aktar fiss.
