Id-difensur ċentrali Olandiż Stefan de Vrij kien qed jitkellem waqt intervista ma’ stazzjon tal-pajjiż. Hu sostna li jinsab għal qalbu ma’ Inter u ma jarah mal-ebda klabb ieħor. Hu qed jinnegozja kuntratt ġdid mad-diriġenti tal-klabb bl-għan aħħari hu li jintlaħaq xi forma ta’ ftehim.
De Vrij għandu 32 sena u ilu man-Nerazzurri sa mis-sena 2018 filwaqt li skorja disa’ gowls f’189 partita. Fil-passat kien ukoll jilgħab ma’ Feyenoord u Lazio.
