Fi tmiem il-ġimgħa li għaddiet il-plejer Malti Jurgen Balzan flimkien mat-tim tiegħu Belġjan ST Stembert, kellhom suċċess doppju meta barra li rebħu l-kampjonat Nazzjonali Belġjan, rebħu ukoll it-tazza tal-Belġju.
F’dan it-turnament prestiġjuż ħadu sehem għaxar timijiet. ST Stembert rebħu dawn l-unuri mingħajr l-ebda telfa. It-tim kien iffurmat minn Daniel Scheen, Pascal Scheen, Jurgen Balzan, Eric Threis, Ludovic Phontieux, Christopher Sabetta u Melina Scheen.
Fit-tieni post ġew Charleroi SC, fit-tielet JSC Rochefort u fir-raba post Hennuyer. Balzan kellu prestazzjoni tajba ferm f’dan l-istaġun mat-tim ST Stembert.
