Sudaniż ta’ 28 sena ħarab immanettjat mill-vettura li kienet qed teskortah mill-Qorti għall-Faċilità Korrettiva ta’ Kordin. Madankollu huwa nqabad ftit tal-minuti wara f’Raħal Ġdid.
Is-Sudaniż kien qed jittieħed il-Faċilità ta’ Kordin biex jiskonta sentenza ta’ priġunerija, u ta s-salt u ħarab meta l-vettura kienet qiegħda quddiem l-entratura prinċipali tal-binja tal-ħabs.