Matul din il-ġimgħa kompla l-kampjonat nazzjonali tat-table tennis fejn fl-ewwel diviżjoni kompliet il-mixja pożittiva ta’ HITT Academy Tibhar li għelbu 6-0 lil Academy Roxon. Mill-banda l-oħra, HITT Academy Home Trends u Top Spin Academy Andro kisbu rebħiet identiċi ta’ 4-2 kontra Alpha Gewo u Academy Kyte Consultants.
Fit-tieni diviżjoni, Alpha Calleja Ltd kisbu l-ikbar rebħa tal-ġurnata wara li għelbu 6-0 kontra Academy ITX.
Alpha Sensus u Academy Legends kisbu skor simili ta’ 4-2 kontra PBC Table Tennis Blue Fire u Academy Supercores rispettivament.
Finalment il-logħba bejn Academy FXP u Butterfly Rozena kienet waħda ferm kumbattuta b’tal-ewwel li jirbħu 4-3.
