Taljana ta’ 43 sena qed issofri minn ġrieħi gravi, wara li lbieraħ għall-ħabta tal-5:30 p.m kienet involuta f’nċident tat-traffiku fi Triq is-Sajf ta’ San Martin fir-Rabat.
Mill-istħarriġ li sar irriżulta li l-vittma, waqgħet waqt li kienet qed issuq mutur tat-tip Kymco Agility. Magħha kien hemm riekeb ġuvni Taljan ta’ 15-il sena li fortunatament ma ġarrabx ġrieħi.
Is-sewwieqa ta’ mutur ingħatat l-għajnuna minn tim mediku u ttieħdet l-Isptar Mater Dei b’ambulanza għal aktar attenzjoni medika.
Il-Pulizija għaddejja bl-investigazzjonijiet fuq il-każ.
