Permezz ta’ story fuq Instagram, Ben Camille ssuġġerixxa sabiex it-televiżjoni Malti jaqleb għall-Ingliż, bil-għan li jilqa’ għall-popolazzjoni barranija li tgħix f’Malta u li qed tiżdied.
Fl-istess story, Camille qal; “Iktar ma jmur qed niltaqa’ ma’ ħafna aktar barranin li donnhom iridu jaraw it-televiżjoni lokali. Dan jista’ jkun minħabba ċirkustanzi differenti, jista’ jkun li dawn il-barranin ilhom hawn u għalhekk, bir-raġun, qed isiru parti mill-komunità u qed jieħdu interess fit-televiżjoni lokali u fil-midja soċjali”.
Tenna li l-mistoqsija għal poplu Malti u Għawdxi hija kif jaħsbu dwar il-fatt li spettakli u programmi jsiru bl-Ingliż ħalli jarawh iktar nies. Intom x’taħsbu dwar dan?
