Il-lejl li għadda l-Air Malta permezz tat-titjira KM423 ittrasportat l-ewwel konsenja tal-vaċċin tal-Moderna. It-titjira minn Brussell lejn Malta ma kinitx tal-aħħar hekk kif aktar konsenji mistennija jintbagħtu fil-ġimgħat li ġejjin.
Fost dawk li ħabbru dwar din il-wasla kien hemm id-Deputat Prim Ministru u Ministru tas-Saħħa Chris Fearne kif ukoll il-Prim Ministru Robert Abela.
Il-Prim Ministru qal li din il-wasla tikkonferma l-ħidma tal-awtoritajiet Maltin li qed ikunu minn ta’ quddiem li jiksbu dan it-tilqim tant importanti kontra dan il-virus. Żied jgħid li dan kollu jikkonferma kemm is-saħħa tal-poplu Malti u Għawdxi tiġi l-ewwel u qabel kollox.
Aqra wkoll:
https://www.inewsmalta.com/2021/01/illejla-pajjizna-se-jkun-l-ewwel-pajjiz-fl-ewropa-li-jircievi-l-ewwel-konsenja-tal-vaccin-tal-moderna/