Simona Halep, darbtejn champion ta’ Grand Slams, ġiet sospiża għal erba’ snin wara li nstabet pożttiva fit-test tad-doping.
Tribunal indipendenti ddetermina li r-Rumena ta’ 31 sena wettqet ksur “intenzjonali” tal-antidoping.
Halep qalet fi stqarrija li beħsiebha tappella mid-deċiżjoni fil-Qorti tal-Arbitraġġ għall-Isport.
“Qed inkompli nitħarreġ u nagħmel dak kollu li nista’ biex innaddaf ismi minn dawn l-allegazzjonijiet foloz,” qalet.
Halep ittestjat pożittiva għall-użu tar-roxadustat fl-US Open tas-sena l-oħra.
Hija nstabet ħatja wkoll li użat sustanza jew metodu pprojbit mhux speċifikat fl-2022 wara li nstabu irregolaritajiet fil-passaport bijoloġiku tagħha.
It-tribunal aċċetta l-argument ta’ Halep li kienet ħadet suppliment ikkontaminat, iżda ddeċidiet li dan ma kienx jirriżulta fil-konċentrazzjoni ta’ roxadustat misjuba fil-kampjun tal-awrina tagħha.
