Tewmin li twieldu f’Kalifornja twieldu biss kwarta bogħod minn xulxin, iżda se jkunu qegħdin jiċċelebraw żmienhom f’data differenti minn xulxin. Dan hekk kif l-omm Fatima Madrigal welldet lil Alfredo Antonio Trujillo fil-11:45 p.m tal-aħħar jum tas-sena 2021 u lil oħtu Aylin Yolanda Trujillo proprju mat-tokki li mmarkaw is-sena l-ġdida 2022.
It-tabiba tal-familja Ana Abril Arias ddeskriviet dan il-wild bħala wieħed uniku u wieħed mill-aktar ħlas memorabbli fil-karriera tagħha.
Hija tkompli li “Kien ta’ pjaċir kbir għalija li ngħin lil dawn iċ-ċkejknin jaslu qawwijin u sħaħ fl-2021 u fl-2022… Kif stajt nibda s-sena b’xi mument isbaħ minn dan?”
